سپین، فرانس اور پرتگال میں بجلی کا بڑا بریک ڈاؤن، نظام زندگی درہم برہم

میڈرڈ/ پیرس/ لزبن: (دنیا نیوز) سپین، پرتگال اور فرانس کے کچھ علاقوں میں بجلی کے بڑے بریک ڈاؤن نے نظام زندگی درہم برہم کردیا۔

غیر ملکی خبر ایجنسی کے مطابق یورپی یونین کے مشترکہ نیٹ ورک میں فنی خرابی کےباعث بجلی کا بڑا بریک ڈاؤن ہوا جس کے باعث پرتگال اورسپین کےہوائی اڈوں پربھی بجلی بند ہوگئی۔

میڈرڈ کے بارجاس بین الاقوامی ہوائی اڈے سے بجلی غائب ہونے سے آپریشن میں خلل پڑا اور ٹیلی کمیونیکیشن سروسز بھی متاثر ہوئیں، بجلی کےبریک ڈاؤن کیوجہ سے سڑکوں پرسگنل بھی بند ہوگئے جس کے باعث ٹریفک جام ہوگئی۔

غیر ملکی میڈیا کے مطابق ہسپانوی سرحد کے قریب اندورا اور جنوبی فرانس کے کچھ حصے متاثر ہوئے جبکہ بیلجیم کے بھی کچھ علاقوں میں بجلی کی بندش ریکارڈ کی گئی۔

بریک ڈاؤن کی وجہ ممکنہ طور پر جنوب مغربی فرانس میں Alaric Mountain پر لگنے والی آگ کے باعث Perpignan اور مشرقی Narbonne کے درمیان ایک ہائی وولٹیج پاور لائن کو ہونیوالے نقصان کو سمجا جارہا ہے۔

دوسری جانب کچھ مبصرین نے یورپی یونین کو نشانہ بنانے والے ماضی کے واقعات کا حوالہ دیتے ہوئے "روسی سائبر اٹیک" کا خدشہ ظاہر کیا ہے۔

پرتگالی وزارت داخلہ نے کہا کہ وہ سائبر حملے کو ممکنہ وجہ کے طور پر مسترد نہیں کر رہی ہے، تاہم، سپین کے سائبرسکیورٹی کوآرڈینیشن آفس نے خبردار کیا ہے کہ خلل کے ماخذ کے بارے میں کوئی نتیجہ اخذ کرنا قبل ازوقت ہوگا۔