استبول:( دنیا نیوز) پاک بھارت کشیدگی کے بعد ترک صدر طیب اردوان نے پاکستانی وزیر اعظم شہباز شریف سے ٹیلی فونک رابطہ کیا ہے۔
غیر ملکی میڈیا کے مطابق رجب طیب اردوان کا شہباز شریف سے گفتگو کرتے ہوئے پاک بھارت سرحد پر پیشرفت پر تبادلہ خیال اور ترک عوام کی پاکستان کے ساتھ یکجہتی کا اظہار کیا۔
میڈیا رپورٹ میں بتایا گیا کہ ترک صدر کا کہنا تھا کہ ترکیہ کشیدگی میں اضافے کو روکنے کیلئے ہر ممکن کوشش کرنے کو تیار ہے، کشیدگی کو کم کرنے میں سفارتی رابطے جاری رہیں گے۔
رجب طیب اردوان کا مزید کہنا تھا کہ ترکیہ کشمیر میں دہشت گردانہ حملے کی غیر جانبدارانہ، شفاف اور بین الاقوامی تحقیقات کی حمایت کرتا ہے۔
