واشنگٹن: (دنیا نیوز) عالمی منظر نامے پر بڑی پیشرفت ہوئی ہے، امریکی صدر ڈونلڈ ٹرمپ نے روسی صدر پیوٹن سے ٹیلیفونک رابطہ کیا۔
امریکی صدر ڈونلڈ ٹرمپ اور روسی صدر پیوٹن کے درمیان بات چیت 2 گھنٹے سے زائد جاری رہی، فریقین کے درمیان مذاکرات کی شرائط پر گفتگو ہوئی۔
امریکی صدر ڈونلڈ ٹرمپ نے گفتگو کرتے ہوئے کہا کہ پیوٹن کے ساتھ کال بہت اچھی رہی، یوکرین جنگ بندی کیلئے مذاکرات فوری شروع کریں گے، جرمنی، فرانس، اٹلی، فن لینڈ کو تفصیلات سے آگاہ کر دیا،، جنگ ختم ہونے پر روس امریکا کے ساتھ بڑے پیمانے پر تجارت چاہتا ہے۔
روسی صدر پیوٹن نے بھی بات چیت کو مثبت اور تعمیری قرار دے دیا، کہتے ہیں، جنگ بندی کی حمایت کرتے ہیں، یوکرین کے ساتھ جنگ بندی پر مبنی یادداشت کیلئے کام کرنے کو تیار ہیں۔
