الاسکا: (دنیا نیوز) امریکا کی ریاست الاسکا میں 7.3 شدت کا زلزلہ آیا۔
مقامی میڈیا کی رپورٹ کے مطابق جرمن ریسرچ سینٹر برائے جیوسائنسز کے مطابق زلزلے کے بعد امریکی سونامی وارننگ نظام نے مخصوص علاقوں میں سونامی وارننگ جاری کردی، سونامی وارننگ الاسکا کے ساحلی علاقوں کینیڈی انٹرینس سے اُونیمک پاس تک کے علاقوں کیلئے جاری کی گئی۔
ماہرین کے مطابق امریکا میں 7.0 سے 7.9 شدت کے زلزلوں سے تباہی کے امکانات ہوتے ہیں اور اس نوعیت کے امریکا میں ہر سال10 سے 15 زلزلے آتے ہیں، زلزلے کا باعث فی الحال کسی قسم کی جانی و مالی نقصان کی اطلاع موصول نہیں ہوئی۔
