تہران: (ویب ڈیسک) ایران نے امریکا یا اسرائیل کے نئے حملوں کا سختی سے جواب دینے کا اعلان کر دیا۔
ایرانی وزیرِ خارجہ عباس عراقچی نے ایکس پر اپنے بیان میں کہاکہ اگر جارحیت دہرائی گئی تو ہم بلا شک و شبہ زیادہ سختی سے جواب دیں گے، انہوں نے مزید کہا کہ اگر ہمارے جوہری پروگرام کو غیر پر امن مقاصد کے لئے استعمال کئے جانے کا خدشہ ہے تو فوجی کارروائی کے ناکام ہونے کا ثبوت موجود ہے، لیکن ایک مذاکراتی حل کامیاب ہو سکتا ہے۔
واضح رہے کہ عراقچی کا یہ بیان بظاہر ان دھمکیوں کے جواب میں آیا ہے جو امریکی صدر ڈونلڈ ٹرمپ نے پیر کے روز سکاٹ لینڈ کے دورے کے دوران دی تھیں۔
