ریاض: (دنیا نیوز) شیخ ڈاکٹر صالح بن حمید سعودی عرب کے نئے مفتی اعظم مقرر کر دیے گئے۔
حرمین شریفین کی خبریں نشر کرنے والے میڈیا پیج کے مطابق شاہی عدالت نے سعودی عرب کے نئے مفتی اعظم اور علماء کی سینئر کونسل کے سربراہ کی تقرری کا اعلان کر دیا ہے۔
شیخ ڈاکٹر صالح بن حمید سعودی عرب کے نئے مفتی اعظم اور علماء کی سینئر کونسل کے سربراہ مقرر ہوگئے ہیں، یہ فیصلہ 23 ستمبر 2025 کو سابق مفتی اعظم شیخ عبدالعزیز بن عبداللّٰہ آل الشیخ کے انتقال کے بعد کیا گیا۔
شیخ ڈاکٹر صالح بن حمید 1949 میں البوکریہ میں پیدا ہوئے، 1984 سے کعبہ کے امام کے طور پر خدمات انجام دے رہے ہیں اور اس سے قبل عرفات میں مسجد نمرہ میں خطبہ حج کی امامت کر چکے ہیں۔
