واشنگٹن: (دنیا نیوز) امریکی وزیر برائے ہوم لینڈ سکیورٹی کرسٹی نوئم نے کہا ہے کہ وینزویلا کے صدر مدورو کو اب اقتدار چھوڑنا ہوگا۔
غیر ملکی میڈیا کے مطابق امریکی وزیر برائے ہوم لینڈ سیکیورٹی کرسٹی نوئم نے کہا ہے کہ واشنگٹن وینزویلا کے موجودہ حکمران مدورو کو زیادہ دن اقتدار میں نہیں رہنے دے گا۔
کرسٹی نوئم نے بتایا ہے کہ وینزویلا کے قریب تیل والے 2 جہازوں کو روکنا اس امر کا عکاس ہے کہ امریکا وینزویلا کے صدر مدورو کی غیرقانونی سرگرمیوں کو جاری نہیں رہنے دے گا۔
دوسری جانب روسی وزیرخارجہ نے امریکا کی جانب سے اٹھائے گئے اقدامات پر شدید تحفظات کا اظہار کرتے ہوئے وینزویلا کو ہر ممکن تعاون کا یقین دلایا ہے۔
روسی وزیرخارجہ سرگئی لاروف نے کہا ہے کہ روس پوری طرح سے وینزویلا کی خود مختاری کی حمایت جاری رکھے گا۔
