لاہور: (ویب ڈیسک) ملک بھر میں کاروباری ہفتے کے پانچویں روز کے دوران سونے کی فی تولہ اور دس گرام قیمتوں میں بالترتیب 150 روپے اور 128 روپے کا اضافہ دیکھا گیا۔
تفصیلات کے مطابق بین الاقوامی مارکیٹ میں سونے کی قیمت 5 ڈالر گھٹ گئی جس کے بعد نئی قیمت 1559امریکی ڈالر ہو گئی۔
بین الاقوامی مارکیٹ میں قیمت بڑھنے کے بعد صرافہ مارکیٹوں میں فی تولہ سونے کی قیمت میں 150 روپے کا اضافہ دیکھا گیا، جس کے بعد لاہور، کراچی، اسلام آباد، پشاور، کوئٹہ، حیدر آباد، سکھر، فیصل آباد، راولپنڈی سمیت دیگر جگہوں پر نئی قیمت 90300روپے ہو گئی۔
اُدھر فی تولہ سونے کی قیمت کی طرح دس گرام سونے کی قیمت میں بھی تنزلی دیکھی گئی، 128 روپے کے اضافے کے بعد دس گرام سونے کی قیمت 77418روپے ہو گئی ہے۔
دریں اثناء چاندی کی قیمت مستحکم رہی جس کے بعد چاندی کی قیمت 1000 روپے پر برقرار رہی۔
