اسلام آباد: (دنیا نیوز) وفاقی وزیر صحت مصطفیٰ کمال نے ریجنل بلڈ سینٹر اور آئی ایچ آئی ٹی سی ہسپتال کا دورہ کیا۔
ترجمان وزارت صحت کے مطابق وزیر صحت مصطفیٰ کمال نے دورہ کے دوران ریجنل بلڈ سینٹر اور آئی ایچ آئی ٹی سی ہسپتال کی موجودہ صورتحال کا جائزہ لیا، مصطفیٰ کمال نے کہا کہ ریجنل بلڈ سینٹر اور آئی ایچ آئی ٹی سی ہسپتال کو فنکشنل کرنے کیلئے جامع پلان پیش کیا جائے۔
مصطفیٰ کمال کا کہنا تھا کہ ریجنل بلڈ سینٹرز کو فعال کرنے کیلئے تمام تر وسائل اور ضروری اقدامات کئے جائیں، ریجنل بلڈ سینٹر کو فعال کر کے محفوظ خون کی سپلائی کو یقینی بنائیں۔
وزیر صحت کا مزید کہنا تھا کہ آئی ایج آئی ٹی سی ہسپتال 270 بیڈز پر مشتمل ہے، ہسپتال کو فعال کرنے کیلے فوری اقدامات کئے جائیں۔
