لاہور: (ویب ڈیسک) ملک بھر میں کاروباری ہفتے کے آخری روز امریکی ڈالر کی قیمت میں مزید 23 پیسے کی تنزلی دیکھی گئی۔
تفصیلات کے مطابق ملک بھر میں مسلسل 6 ماہ کے دوران ترسیلات زر کی ریکارڈ آمد کے بعد امریکی ڈالر کی قیمت میں اُتار چڑھاؤ دیکھنے کو مل رہا ہے، گزشتہ ہفتے کے دوران روپیہ تگڑا ہوا ہے جبکہ امریکی کرنسی کی قدر گرتی جا رہی ہے۔
رواں ہفتے کے آخری کاروباری روز کے دوران سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق انٹر بینک میں امریکی ڈالر 23 پیسے سستا ہو گیا جس کے بعد قیمت 160 روپے 55 پیسے سے کم ہو کر 160 روپے 32 پیسے ہو گئی ہے۔
Interbank closing #ExchangeRate for today: https://t.co/UYWceXGplN pic.twitter.com/psNc01s2ts
— SBP (@StateBank_Pak) December 24, 2020
یاد رہے کہ کل 25 دسمبر کو کرسمس اور قائداعظمؒ ڈے کے باعث چھٹی ہے۔ جس کے باعث کاروبار بند ہو گا۔
