اسلام آباد: (دنیا نیوز) وزیراعظم نے ایف بی آر کارکردگی، آئی ٹی ٹرانسفارمیشن پلان اور ٹریک اینڈ ٹریس سسٹم کی تعریف کرتے ہوئے کہا کہ جولائی تک ٹرانسفارمیشن پلان مکمل ہونے سے 100 ارب روپے کا ریونیو میں اضافہ ہوگا۔
سماجی رابطوں کی ویب سائٹ ٹویٹر پر جاری اپنے ایک بیان میں وزیراعظم عمران خان نے 7 ماہ کا ٹیکس ٹارگٹ مکمل کرنے پر فیڈرل بورڈ آف ریونیو کی تعریف کی اور کہا کہ بولڈ ٹیکس آڈٹ کے نفاذ اور ایف بی آر کے انسداد سمگلنگ اقدامات کے نتیجے میں ریونیو ٹارگٹ مکمل ہوا۔
I commend FBR Field Formations on achieving 7-months revenue targets by undertaking bold tax audit and enforcement, and counter-smuggling measures. They must continue working with honesty and commitment.
— Imran Khan (@ImranKhanPTI) February 20, 2021
Also commend FBR Headoffice Team for developing the IT-enabled Transformation Plan & procuring cutting-edge Track & Trace System. Once fully functional in July 2021, it would add 100s of billions of additional revenue, curb counterfeiting and help establish rule of law.
— Imran Khan (@ImranKhanPTI) February 20, 2021
وزیراعظم نے تاکید کی کہ ایف بی آر کو ایمانداری اور عزم کے ساتھ کام جاری رکھنا چاہیے۔ عمران خان نے ایف بی آر میں آئی ٹی ٹرانسفارمیشن پلان، ٹریک اینڈ ٹریس سسٹم اور ہیڈ آفس ٹیم کی کارکردگی کو بھی سراہا۔ ان کا کہنا تھا کہ جولائی تک ٹرانسفارمیشن پلان مکمل ہونے سے 100 ارب روپے کا ریونیو میں اضافہ ہوگا، جبکہ پلان سے جعلسازی کو روکنے اور قانون کی حکمرانی کے قیام میں مدد ملے گی۔
