لاہور: (ویب ڈیسک) ملک بھر میں روپے کے مقابلے میں امریکی ڈالر ایک مرتبہ پھر تگڑا ہونے لگا جبکہ پاکستان سٹاک مارکیٹ میں اُتار چڑھاؤ کے بعد تیزی ریکارڈ کی گئی۔
سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے دوسرے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں مزید 31 پیسے کا اضافہ دیکھا گیا۔
اعداد و شمار کے مطابق روپے کے مقابلے امریکی ڈالر کی قیمت 175 روپے 47 پیسے سے بڑھ کر 175 روپے 78 پیسے ہو گئی ہے۔
Interbank closing #ExchangeRate for today: https://t.co/Ts7vA08kLl pic.twitter.com/y5mW9ILnSM
— SBP (@StateBank_Pak) February 15, 2022
دوسری طرف پاکستان سٹاک مارکیٹ میں اُتار چڑھاؤ کے بعد 87.61 پوائنٹس کی تیزی ریکارڈ کی گئی اور 100 انڈیکس 45731.70 پوائنٹس کی سطح پر پہنچ کر بند ہوا۔ پورے کاروباری روز کے دوران 0.19 فیصد کی بہتری دیکھی گئی جبکہ 9 کرورڑ 82 لاکھ 448 شیئرز کا لین دین ہوا۔ سرمایہ کاروں کو اربوں روپے کا فائدہ ہوا۔
