لاہور : (ویب ڈیسک) لاہورمیں درجہ اول گھی کی قیمتوں میں اضافہ کردیا گیا، مختلف برابڈز اور کمپنیوں کی جانب سے درجہ اول گھی کی قیمتوں میں 24 روپے کلو تک اضافہ کیا گیا ہے۔
ذرائع کے مطابق درجہ اول کا گھی ہول سیل میں 20 روپے اضافے سے 566 روپے فی کلوگرام ہوگیا جبکہ صارفین کو پرچون میں گھی 24 روپے اضافے سے 570 روپے فی کلوگرام میں ملے گا۔
دوسری جانب درجہ دوم گھی کی قیمت دوسرے دن پھر بڑھا دی گئی، 536 روپے والا گھی 14 روپے اضافے سے 550 روپے فی کلوکردیا گیا، گزشتہ روز درجہ دوم گھی 8 روپے مہنگا کیا گیا تھا، 2 دنوں میں گھی کے دام 22 روپے کلو تک بڑھ گئے ہیں۔
