لاہور : (دنیا نیوز) ضمنی انتخابات کے کے لیے لاہور کی 4 نشستوں پر کاغذات نامزدگی جمع کروانے کا سلسلہ جاری ہے ،ضمنی انتخابات کے لیے کاغذات نامزدگی آج جمع کروائے جائیں گے۔
الیکشن کمیشن کے مطابق ضمنی انتخابات کے لیے کاغذات نامزدگی 7 جون تک جمع کروائے جاسکیں گے، کاغذات نامزدگی کی جانچ پڑتال 11 جون تک کریں گے، ریٹرننگ افسران کے فیصلوں کے خلاف اپیلیں 15 جون تک دائر کروائی جاسکیں گی۔
ٹربیونل اپیلوں پر 21 جون تک فیصلہ کرے گا جبکہ امیدواروں کی نظرثانی شدہ فہرست 22 جون کو آویزاں کی جائے گی، کاغذات نامزدگی واپس لینے کی آخری تاریخ 23 جون ہے، امیدواروں کو انتخابی نشانات 24 جون کو الاٹ کیے جائیں گے۔
