اسلام آباد: (دنیا نیوز) وفاقی وزیر خزانہ اسحاق ڈار نے کہا ہے کہ ٹیکسٹائل سیکٹر کو سہولتیں فراہم کرنے سے برآمدی شعبہ مضبوط ہو گا۔
وفاقی وزیرخزانہ سینیٹراسحاق ڈار سے آل پاکستان ٹیکسٹائل ملز ایسوسی ایشن کے وفد نے ملاقات کی، وفد نے کپاس کی کم از کم قیمت مقرر کر کے ٹیکسٹائل سیکٹر کی مدد کرنے پر حکومتی اقدام کو سراہا۔
— Ministry of Finance (@FinMinistryPak) May 18, 2023
وزارت خزانہ کے مطابق وفد نے وزیرخزانہ کو ٹیکسٹائل انڈسٹری کو درپیش مسائل بارے آگاہ کیا، وزیر خزانہ اسحاق ڈار نے ملک کی معاشی بہتری میں ٹیکسٹائل سیکٹر کے کردار کو سراہا اور ٹیکسٹائل سیکٹر کو حکومت کی جانب سے سہولتیں فراہم کرنے کا عزم ظاہر کیا۔
وزیر خزانہ نے متعلقہ حکام کو ٹیکسٹائل سیکٹر کے مسائل ترجیحی بنیادوں پر حل کرنے کی ہدایت کی، اپٹما وفد نے مسائل کو بروقت حل کرنے کیلئے تعاون کرنے پر وزیر خزانہ کا شکریہ ادا کیا۔
