اسلام آباد: (دنیا نیوز) وزیر خزانہ محمد اورنگزیب کی زیر صدارت اقتصادی رابطہ کمیٹی کا اجلاس ہوا، اجلاس میں بنیادی اشیا ضروریہ کی قیمتوں کا جائزہ لیا گیا۔
وزارت خزانہ کے مطابق کمیٹی نے چینی، سبزیوں، خوردنی تیل کی قیمتوں میں اضافے.jpg)
تشویش کا اظہار کیا، عالمی مارکیٹ میں اشیا کی قیمتوں میں کمی کے باوجود اضافہ تشویشناک ہے۔
کمیٹی نے وزارت صنعت اور نیشنل پرائس مانیٹرنگ کمیٹی سے دو ہفتوں میں رپورٹ طلب کر لی، اشیا خورونوش گندم، چینی اور دالوں کے ذخائر اور رمضان المبارک میں اشیاء ضروریہ کی کم قیمت فراہمی کیلئے اقدامات پر رپورٹ مانگ لی گئی۔
اعلامیہ کے مطابق ای سی سی نے ریونیو ڈویژن کی پیش کی گئی ایکسپورٹ سہولت سکیم کی منظوری دی، ریونیو ڈویژن کیلئے 2.79 ارب روپے کی تکنیکی ضمنی گرانٹ منظور کی گئی۔
ریونیو ڈویژن اسلحہ اور ایمونیشن خریدنے کیلئے تکنیکی ضمنی گرانٹ منظور کی گئی، وزارت داخلہ کی 49 کروڑ روپے سے زیادہ کی تکنیکی ضمنی گرانٹ منظور کی گئی۔
ای سی سی نے انٹیلی جنس بیورو کی 50 کروڑ روپے کی تکنیکی ضمنی گرانٹ بھی منظور کر لی۔
