اسلام آباد: (دنیا نیوز) رمضان المبارک میں فی کلو چینی پر 20 روپے پر سبسڈی دینے پر اتفاق ہو گیا۔
چاروں صوبوں اور شوگر ملز مالکان میں سبسڈائز چینی بارے اجلاس ہوا، اجلاس کے اعلامیہ کے مطابق رمضان المبارک میں فی کلو چینی پر 20 روپے چینی پر سبسڈی ہوگی۔
منسٹری انڈسٹری اینڈ پروڈکشن سبسڈائزڈ چینی کی سمری حتمی منظوری کے لئے فوڈ سکیورٹی کو بھجوائے گی، چینی فی کلو 130 روپے میں دی جائیگی، کین کمشنر نگرانی کرینگے، حکومت پاکستان نے چاروں صوبوں میں چینی 130 روپے فی کلو دینے کا اصولی فیصلہ کیا۔
منسٹری انڈسٹری اینڈ پروڈکشن نے چاروں صوبوں کے چیف سیکرٹریز کو اجلاس کا اعلامیہ جاری کر دیا، پاکستان شوگر ملز ایسوسی ایشن کو چینی فی کلو 130روپے کا مراسلہ جاری کر دیا گیا۔
منسٹری انڈسٹری اینڈ پروڈکشن کے مطابق رمضان المبارک میں چینی سستے ماڈل بازاروں میں فروخت کی جائے گی، سبسڈائزڈ چینی میگا، بڑے، چھوٹے سٹورز پر ڈی سی کاؤنٹر پر فراہم کی جائے گی۔
رمضان المبارک میں ایک اور دو کلو چینی کے بیگز فروخت کئے جائیں گے، شناختی کارڈ پر فی شہری زیادہ سے زیادہ پانچ کلو چینی خرید سکے گا۔
چاروں صوبوں میں چینی کی تقسیم کے فوکل پرسن کی ذمہ داری کین کمشنر کے سپرد کر دی گئی، سبسڈائزڈ چینی کی فروخت رمضان سے تین روز قبل شروع کی جائے گی اور 27 رمضان تک چینی کی فروخت جاری رکھی جائے گی۔
