اسلام آباد: (دنیا نیوز) ورلڈ بینک کے پاکستان میں کنٹری ڈائریکٹر ناجی بینہسین نے کہا کہ پاکستان میں معاشی استحکام مضبوط ہوتا جا رہا ہے۔
کنٹری ڈائریکٹر ورلڈ بینک ناجی بینہسین نے کہا کہ یہ معاشی استحکام دس سالہ معاہدے کیلئے مناسب وقت تھا، یہ منصوبہ پاکستان کو 20 ارب ڈالر ترقیاتی قرض دینے پر توجہ مرکوز کرے گا، پاکستان کے ساتھ کنٹری پارٹنرشپ فریم ورک کا اعلان گزشتہ ماہ کیا گیا تھا۔
کنٹری ڈائریکٹر نے کہا کہ 2026ء کے بعد سے یہ فنڈنگ کلین انرجی اور کلائمیٹ رزیلینس کیلئے دی جائے گی، یہ ورلڈ بینک اور پاکستان کے درمیان شراکت داری کا اہم لمحہ ہے، اس وقت پاکستان استحکام کی جانب گامزن ہے۔
ان کا مزید کہنا تھا کہ پاکستان میں طویل مدتی ترقی کے لئے نئے مقاصد اور منصوبے ہیں، یہ منصوبے عالمی بینک کی ترجیحات سے بالکل ہم آہنگ ہیں۔
