کراچی: (دنیا نیوز) سٹیٹ بینک آف پاکستان نے اعلان کیا ہے کہ زکوٰۃ کی کٹوتی کیلئے کل بینک بند رہیں گے۔
مرکزی بینک کے اعلامیے کے مطابق زکوٰۃ کی کٹوتی کے لئے کل (بروز پیر) کو تمام بینک عوامی لین دین کیلئے بند رہیں گے۔
دوسری جانب سٹیٹ بینک آف پاکستان نے رمضان المبارک کے لئے دفتری اوقات کا بھی اعلان کر دیا ہے۔
مرکزی بینک کی جانب سے جاری کردہ اعلامیے کے مطابق پیر سے جمعرات تک دفتری اوقات صبح 9 بجے سے دوپہر 3 بجے تک ہوں گے جبکہ جمعہ کو صبح 9 بجے سے دوپہر 12:30 بجے تک بغیر کسی وقفے کے کام ہوگا۔
اسی طرح ملک بھر کے بینکوں میں عوامی لین دین (پبلک ڈیلنگ) کے اوقات پیر سے جمعرات صبح 9 بجے سے دوپہر 2 بجے تک مقرر کئے گئے ہیں، جبکہ جمعہ کو صبح 9 بجے سے دوپہر 12:30 بجے تک بغیر کسی وقفے کے ہوگی۔
سٹیٹ بینک کے ترجمان کے مطابق تمام بینکس، ترقیاتی مالی ادارے اور مائیکرو فنانس بینکس اوقات کار پر عمل کریں گے۔
