اسلام آباد:(دنیا نیوز) بینک انشورنس فراڈ سے بچاؤ کیلئے سٹیٹ بینک اوروفاقی انشورنس محتسب نے مشترکہ ایکشن لے لیا۔
سٹیٹ بینک آف پاکستان نے تمام بینکوں اور مالیاتی اداروں کو ایک سرکلر جاری کردیا، جس میں لکھا گیا کہ ہے وفاقی انشورنس محتسب کے آگہی بینرز ملک بھر کی تمام برانچز میں نمایاں طور پرآویزاں کیے جائیں، صارفین کو انشورنس پروڈکٹس کے حوالے سے درپیش مس سیلنگ اور فراڈ کے بڑھتے واقعات سے بچایا جائے۔
ڈائریکٹر جنرل وفاقی انشورنس محتسب مبشرنعیم صدیقی نے بتایا کہ اس سلسلے میں وفاقی انشورنس محتسب ممتاز علی شاہ کی قائم کردہ ایک کمیٹی سٹیٹ بینک کے ساتھ کئی ماہ سے رابطے میں تھی۔
ڈی جی وفاقی انشورنس محتسب مختلف انشورنس کمپنیز کے ساتھ تنازعات کا تصفیہ اور شکایات کا ازالہ کرنے کے لئے وفاقی انشورنس محتسب متعلقہ فورم ہے۔
خیال رہے سٹیٹ بینک نے ہدایت کی ہے کہ تمام مالیاتی ادارے ان آگہی پوسٹرز کو اپنی ویب سائٹس پربھی جاری کریں۔
