کراچی: (دنیا نیوز) پاکستان کے توانائی کے شعبے میں بڑی کامیابی حاصل ہوئی ہے، سندھ کے ضلع سجاول سے گیس کے نئے ذخائر دریافت کر لئے ہیں۔
ماڑی انرجیز کی جانب سے سٹاک ایکسچینج کو لکھے گئے خط کے مطابق گیس سوہوون سجاول بلاک کے کنویں سے دریافت ہوئی، دریافت شدہ ذخائر سے گیس کی یومیہ پیداوار کا تخمینہ 30 ایم ایم ایس سی ایف ڈی (ملین مکعب فٹ فی دن) لگایا گیا ہے۔
یہ پیش رفت ملکی توانائی کی ضروریات پوری کرنے میں اہم سنگ میل ثابت ہو سکتی ہے، گیس کے ان نئے ذخائر سے نہ صرف توانائی کے بحران پر قابو پانے میں مدد ملے گی بلکہ ملکی معیشت کو بھی سہارا ملے گا۔
ماہرین کا کہنا ہے کہ مقامی سطح پر توانائی کے وسائل کی دریافت درآمدات پر انحصار کم کرنے میں معاون ثابت ہوگی، جس سے زرِ مبادلہ کے ذخائر کو بھی استحکام ملے گا۔
