کراچی : (دنیا نیوز) پاکستان سٹاک ایکسچینج میں تیزی کے بعد مندی چھاگئی، ہنڈرڈ انڈیکس منفی زون میں بند ہوا۔
کاروباری ہفتے کے پانچویں اور آخری روز سٹاک مارکیٹ میں کاروبار کے آغاز پر تیزی دیکھنے میں آئی، 300 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 20 ہزار 380 پوائنٹس کی سطح پر پہنچ گیا۔
بعدازاں ٹریڈنگ کے دوران سٹاک مارکیٹ تاریخ کی بلند ترین سطح پہنچ گئی تاہم کاروباری روز کے اختتام پر اچانک مندی چھاگئی جس کے باعث ہنڈرڈ انڈیکس 312 پوائنٹس کی کمی کیساتھ ایک لاکھ 19 ہزار 649 پوائنٹس کی سطح پر بند ہوا۔
واضح رہے کہ گزشتہ روز کاروباری دن کے اختتام پر سٹاک ایکسچینج میں ہنڈرڈ انڈیکس 1425 پوائنٹس اضافے کیساتھ ایک لاکھ 19 ہزار 961 پوائنٹس کی سطح پر بند ہوا تھا۔
سٹاک مارکیٹ میں آج 17 ارب 70 کروڑ 34 لاکھ 3 ہزار 832 روپے مالیت کے 23 کروڑ 50 لاکھ 70 ہزار 955 شیئرز کا لین دین ہوا۔
