اسلام آباد: (دنیا نیوز) حکومت نے مرکزی بینک کے 500 ارب روپے کے قرضہ کی چار سال پہلے ادائیگی کر دی۔
وزارت خزانہ کے جاری کردہ اعلامیہ کے مطابق قرض 2029ء میں میچور ہونا تھا، وقت سے پہلے ادائیگی اہم پیشرفت ہے، قرض کی جلد ادائیگی قرض حکمت عملی میں بڑی کامیابی ہے، قرض کی ابتدائی ریٹائرمنٹ سے میکرو اکنامک بنیادیں مضبوط ہوئیں۔
وزارت خزانہ نے اعلامیہ میں بتایا کہ قرض کی جلد واپسی سے ڈیفالٹ کے خطرات بھی کم ہوئے، سال 2025ء میں مجموعی طور پر 1.5 ٹریلین روپے کا قرض جلد واپس کیا گیا، قرض کی واپسی معاشی اعتماد اور اصلاحاتی اقدامات کی مظہر ہے۔
وزارت خزانہ کے جاری اعلامیہ میں مزید بتایا گیا ہے کہ حکومت کا قرض جی ڈی پی تناسب 75 فیصد سے کم ہو کر 69 فیصد پر آ گیا۔
