کراچی: (دنیا نیوز) ایف بی آر کو اضافی اختیارات ملنے کیخلاف پاکستان کی بزنس کمیونٹی نے 19 تاریخ کو ملک گیر ہڑتال کا اعلان کردیا۔
کراچی چیمبر آف کمرس کے صدر جاوید بلوانی نے کہا کہ ایف بی آر کے اضافی اختیارات کیخلاف کراچی چیمبر، لاہور چیمبر ،سیالکوٹ چیمبر،فیصل آبادچیمبر ، کوئٹہ چیمبر، راولپنڈی چیمبر، پشاور چیمبر سب ایک پیج پر ہیں، 19 جولائی کو پرامن ہڑتال کی جائے گی۔
جاوید بلوانی نے کہا کہ ایک روزہ پر امن ہڑتال کے بعد مرحلہ وارہڑتال کا سلسلہ شروع کیا جائے گا ، کراچی کے سات انڈسٹریل زون مکمل طور پر بند ہوں گے۔
انہوں نے کہا کہ بلوانی وزارت خزانہ نے ایف بی آر کے اضافی اختیارات پر بزنس کمیونٹی سے رابطہ نہیں کیا، وزارت خزانہ فوری ایف بی آر کے اضافی اختیارات 37اے، 37بی اور سیکشن 21 کو واپس لے۔
