کراچی: (دنیا نیوز) کسٹمز نے رینجرز کی مدد سے کارروائی کرتے ہوئے کروڑوں مالیت کی سمگل شدہ غیر ملکی مصنوعات برآمد کر لیں۔
ترجمان کسٹمز عرفان علی کے مطابق حساس ادارے سے موصول شدہ خفیہ اطلاع پر یوسف گوٹھ بس ٹرمینل کے گوداموں پر کاروائی کی گئی۔
کاروائی میں کروڑوں مالیت کی سمگل شدہ غیرملکی مصنوعات برآمد ہوئیں، چھاپے میں ایرانی خشک دودھ، اجینو موتو، کپڑا، ٹائلز، کراکری اور سپیئر پارٹس برآمد کیے گئے ہیں۔
ترجمان کسٹمز عرفان علی کا مزید کہنا تھا کہ مقدمہ درج کرکے ضبط شدہ اشیا کو 21 مزدا ٹرکوں کے ذریعے اے ایس او کسٹمز گودام منتقل کر دیا گیا، برآمد ہونے والے سامان کی تفصیلی جانچ پڑتال اور حتمی تخمینہ لگایا جا رہا ہے۔
