کراچی: (دنیا نیوز) اینٹی نارکوٹکس فورس (اے این ایف) کا ملک کے مختلف شہروں میں منشیات سمگلنگ کیخلاف کریک ڈاؤن جاری ہے۔
ترجمان اے این ایف کے مطابق دو مختلف کارروائیوں کے دوران 28 لاکھ 82 ہزار روپے سے زائد مالیت کی 20.2 کلو گرام منشیات برآمد کر کے 5 ملزمان گرفتار کر لئے گئے۔
حکام کا کہنا ہے کہ اسلام آباد موٹر وے ٹول پلازہ پر بس کے خفیہ خانوں سے 14.4 کلو چرس اور 800 گرام افیون برآمد کر کے ایک ملزم پکڑ لیا، جبکہ میاں پلازہ جوہر ٹاؤن لاہور کے قریب گاڑی سے 5 کلوآئس برآمد کر کے 4 ملزمان گرفتار کئے گئے۔
ترجمان کے مطابق گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
