کراچی :(دنیا نیوز) آٹوفنانسنگ میں 20 فیصد کی لمبی چھلانگ کا ریکارڈ قائم،سٹیٹ بینک نے ڈیٹا جاری کردیا۔
سٹیٹ بینک کے جاری ڈیٹا کے مطابق گاڑیوں کی خریداری کیلئےبینکوں سےحاصل قرضوں کاحجم سالانہ 231ارب سے 277 ارب روپے ہوگیا، گاڑیوں کی خریداری کیلئے بینک سےحاصل قرض ایک ماہ میں 271 ارب سےبڑھ کر277 روپے ہوگئے۔
اسی طرح نجی شعبوں کےقرضے جون 25میں 12.3 فیصد بڑھ کر9ہزار626ارب روپے پر پہنچ گئے، بینکوں سے جون 25میں کاروباری قرضوں کی شرح بڑھ کرسالانہ 13.2 فیصد رہی۔
علاوہ ازیں صارفین نےکریڈٹ کارڈ کےاستعمال میں 29.7 فیصد کااضافہ دکھایا، گھر بنانے کے قرضوں میں سالانہ 1.7 فیصد کا معمولی اضافہ رہا۔
