کراچی : (دنیا نیوز) پاکستان سٹاک ایکسچینج میں تیزی کے بعد مندی چھاگئی جس کے باعث ہنڈرڈ انڈیکس منفی زون میں بند ہوا۔
کاروباری ہفتے کے پہلے روز کاروبار کے آغاز پر سٹاک مارکیٹ میں تیزی دیکھنے میں آئی، 600 سے زائد پوائنٹس کے اضافے کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 39 ہزار 201 پوائنٹس کی سطح پر پہنچ گیا۔
بعدازاں ٹریڈنگ کے دوران سٹاک مارکیٹ میں مندی چھاگئی جو کاروباری روز کے اختتام تک برقرار رہی جس کے باعث ہنڈرڈ انڈیکس 379 پوائنٹس کی کمی کے ساتھ ایک لاکھ 38 ہزار 217 پوائنٹس کی سطح پر بند ہوا۔
واضح رہے کہ گزشتہ کاروباری ہفتے کے آخری روز سٹاک مارکیٹ میں ہنڈرڈ انڈیکس 122 پوائنٹس بڑھ کر ایک لاکھ 38 ہزار 597 پوائنٹس کی ریکارڈ حد پر گرین زون میں بند ہوا تھا۔
سٹاک مارکیٹ میں آج 15 ارب 8 کروڑ 31 لاکھ 19 ہزار 932 روپے مالیت کے 22 کروڑ 17 لاکھ 62 ہزار 645 شیئرز کا لین دین ہوا۔
