اسلام آباد: (دنیا نیوز) وفاقی حکومت نے جشن معرکہ حق پر 75 روپے کا یادگاری سکہ جاری کردیا۔
سٹیٹ بینک آف پاکستان کا کہنا ہے کہ یادگاری سکہ مسلح افواج کی بہادری کو خراج تحسین پیش کرنے کیلئے جاری کیا گیا ہے۔
یادگاری سکے کے ایک رخ پر وسط میں ہلال اور پانچ نوکوں کا ستارہ ہے جبکہ سکے کی دوسری جانب ’’معرکہ حق‘‘ اور ’’پاکستان ہمیشہ زندہ باد‘‘ رقم ہے۔
— SBP (@StateBank_Pak) August 15, 2025
یادگاری سکہ سٹیٹ بینک کے سروسز کارپوریشن کے فیلڈ دفاتر پر 15 اگست سے دستیاب ہے۔
