کراچی: (دنیا نیوز) پاکستان سٹاک مارکیٹ میں ہنڈرڈ انڈیکس مسلسل تیزی کے بعد اچانک منفی زون میں چلا گیا۔
کاروباری ہفتے کے چوتھے روز بھی کاروبار کے آغاز پر سٹاک ایکسچینج میں زبردست تیزی دیکھی گئی، 600 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 51 ہزار 249 پوائنٹس کی سطح پر پہنچ گیا۔
بعدازاں ٹریڈنگ کے دوران پاکستان سٹاک ایکسچینج منفی زون میں چلی گئی، 1000 ہزار سے زائد پوائنٹس کی کمی کے ساتھ سٹاک مارکیٹ میں انڈیکس ایک لاکھ 49 ہزار 229 پوائنٹس کی سطح پر آگیا ہے۔
واضح رہے کہ گزشتہ کاروباری روز کے اختتام پر سٹاک ایکسچینج میں ہنڈرڈ انڈیکس 820 پوائنٹس کے اضافے کیساتھ ایک لاکھ 50 ہزار 591 پوائٹس کی سطح پر بند ہوا تھا۔
دوسری جانب انٹر بینک میں امریکی کرنسی 10 پیسے سستی ہوئی، ڈالر 281.95 روپے سے کم ہو کر 281.85 روپے پر آگیا ہے۔
