کراچی: (دنیا نیوز) عالمی و مقامی سطح پر آج سونے کی قیمتیں برقرار رہیں۔
بین الاقوامی مارکیٹ میں فی اونس سونے کی قیمت 3654 ڈالرز پر مستحکم رہی جس کے باعث پاکستان میں بھی سونے کے نرخ بغیر کسی دروبدل کے برقرار رہے۔
مقامی صرافہ مارکیٹوں میں فی تولہ سونے کی قیمت 3 لاکھ 88 ہزار ایک سو روپے پر برقرار جبکہ دس گرام سونے کی قیمت بنا ردو بدل کے 3 لاکھ 32 ہزار 733 روپے پر مستحکم رہی۔
واضح رہے کہ گزشتہ روز فی تولہ سونے کی قیمت 4100 روپے اضافے کیساتھ 3 لاکھ 88 ہزار ایک سوروپے کی بلند ترین سطح پرپہنچی تھی۔
