کراچی: (دنیا نیوز) پاکستان سٹاک ایکسچینج میں ایک لاکھ 55 ہزار پوائنٹس کی حد دوبارہ بحال ہوگئی۔
کاروباری ہفتے کے پہلے روز کاروبار کے آغاز پر ہی سٹاک مارکیٹ میں زبردست تیزی دیکھنے میں آئی، 1000 سے زائد پوائنٹس کے اضافے کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 55 ہزار 541 پوائنٹس کی سطح پر پہنچ گیا ہے۔
تاہم کاروباری روز کے اختتام پر ہنڈرڈ انڈیکس 944 پوائنٹس کے اضافے کیساتھ ایک لاکھ 55 ہزار 384 پوائنٹس کی سطح پر بند ہوا۔
واضح رہے کہ گزشتہ کاروباری ہفتے کے آخری روز سٹاک مارکیٹ میں 100 انڈیکس 1701 پوائنٹس کی کمی کیساتھ ایک لاکھ 54 ہزار 439 پوائنٹس کی حد پر بند ہوا تھا۔
سٹاک مارکیٹ میں آج 20 ارب 31 کروڑ 25 لاکھ 30 ہزار 257 روپے مالیت کے 27 کروڑ 46 لاکھ 74 ہزار 705 شیئرز کا لین دین ہوا۔
