کراچی: (دنیا نیوز) پاکستان سٹاک ایکسچینج میں آج کاروباری کا مثبت رجحان رہا جس کے باعث ایک لاکھ 57 ہزار پوائنٹس کی نفسیاتی حد بحال ہوگئی۔
کاروباری ہفتے کے تیسرے روز کاروبارکے آغاز پر ہی سٹاک ایکسچینج میں تیزی دیکھنے میں آئی، دوران ٹریڈنگ 800 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 57 ہزار 479 پوائنٹس کی سطح پر پہنچ گیا۔
تاہم کاروباری روز کے اختتام پر ہنڈرڈ انڈیکس ہنڈرڈ انڈیکس 457 پوائنٹس کے اضافے کیساتھ ایک لاکھ 57 ہزار 20 پوائنٹس کی سطح پر بند ہوا۔
واضح رہے کہ گزشتہ کاروباری روز کے اختتام پر ہنڈرڈ انڈیکس 476 پوائنٹس کے اضافے کیساتھ ایک لاکھ 56 ہزار 563 پوائنٹس کی سطح پر بند ہوا تھا۔
سٹاک مارکیٹ میں آج 36 ارب 14 کروڑ 41 لاکھ 96 ہزار 606 روپے مالیت کے 43 کروڑ 71 لاکھ 29 ہزار 643 شیئرز کا لین دین ہوا۔
