کراچی: (دنیا نیوز) پاکستان سٹاک مارکیٹ میں ایک لاکھ 50 ہزار پوائنٹس کی نفسیاتی حد بحال ہوگئی۔
کاروباری ہفتے کے پہلے روز پاکستان سٹاک ایکسچینج میں کاروبار کا مثبت رجحان رہا، 1400 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 50 ہزار 66 پوائنٹس کی سطح پر پہنچ گیا۔
تاہم کاروباری روز کے اختتام پر ہنڈرڈ انڈیکس 1353 پوائنٹس اضافے کیساتھ ایک لاکھ 49 ہزار 971 پوائنٹس کی سطح پر بند ہوا۔
واضح رہے کہ گزشتہ کاروباری ہفتے کے آخری روز سٹاک ایکسچینج میں ٹریڈنگ کے اختتام پر ہنڈرڈ انڈیکس 1274 پوائنٹس اضافے کیساتھ ایک لاکھ 48 ہزار 617 پوائنٹس کی نفسیاتی حد پر بند ہوا تھا۔
سٹاک مارکیٹ میں آج 34 ارب 19 کروڑ 9 لاکھ 61 ہزار 502 روپے مالیت کے 51 کروڑ 18 لاکھ 21 ہزار 531 شیئرز کا لین دین ہوا۔
