کراچی: (دنیا نیوز) پاکستان سٹاک مارکیٹ میں ایک لاکھ 49 ہزار پوائنٹس کی نفسیاتی حد بحال ہوگئی۔
کاروباری ہفتے کے پہلے روز کاروبار کے آغاز پر سٹاک ایکسچینج میں تیزی دیکھنے میں آئی، 1000 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 49 ہزار 848 پوائنٹس کی سطح پر پہنچ گیا۔
واضح رہے کہ گزشتہ کاروباری ہفتے کے آخری روز سٹاک ایکسچینج میں ٹریڈنگ کے اختتام پر ہنڈرڈ انڈیکس 1274 پوائنٹس اضافے کیساتھ ایک لاکھ 48 ہزار 617 پوائنٹس کی نفسیاتی حد پر بند ہوا تھا۔
