کراچی: (دنیا نیوز) پاکستان سٹاک مارکیٹ میں ایک لاکھ 49 ہزار پوائنٹس کی نفسیاتی حد بحال ہوگئی۔
کاروباری ہفتے کے پانچویں اور آخری روز سٹاک ایکسچینج میں تیزی دیکھنے میں آئی، 1400 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 48 ہزار 782 پوائنٹس کی سطح پر پہنچ گیا۔
سٹاک ایکسچینج میں پہلے ٹریڈنگ سیشن کا اختتام مثبت زون میں ہوا، 100 انڈیکس 1253 پوائنٹس اضافے سے ایک لاکھ 48 ہزار 596 پوائنٹس کی نفسیاتی حد پر بند ہوا، پاکستان سٹاک مارکیٹ کے پہلے ٹریڈنگ سیشن میں 69 کروڑ 83 لاکھ مالیت شیئرز کے سودے 23 ارب روپے میں ہوئے۔
دوسرے ٹریڈنگ سیشن کے دوران سٹاک ایکسچینج میں زبردست تیزی دیکھنے میں آئی جس کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 49 ہزار پوائنٹس کی نفسیاتی حد پر بحال ہوگیا۔
تاہم سٹاک ایکسچینج میں ٹریننگ کے اختتام پر ہنڈرڈ انڈیکس 1274 پوائنٹس اضافے کیساتھ ایک لاکھ 48 ہزار 617 پوائنٹس کی نفسیاتی حد پر بند ہوا
واضح رہے کہ گزشتہ روز کاروباری دن کے اختتام پر انڈیکس 150 پوائنٹس کی کمی کیساتھ 1 لاکھ 47 ہزار 343 پوائنٹس کی سطح پر بند ہوا تھا۔
