کراچی: (دنیا نیوز) پاکستان سٹاک مارکیٹ میں آج کاروبار کے مثبت آغاز کے بعد مندی چھاگئی۔
کاروباری ہفتے کے پہلے روز کاروبار کے آغاز پر سٹاک ایکسچینج میں مثبت رجحان دیکھنے میں آیا، 600 سے زائد پوائنٹس کے اضافے کے ساتھ سٹاک مارکیٹ میں ہنڈرڈ انڈیکس ایک لاکھ 50 ہزار 079 پوائنٹس کی سطح پر پہنچ گیا۔
بعدازاں ٹریڈنگ کے دوران پاکستان سٹاک ایکسچینج منفی زون میں چلی گئی جس کے باعث 677 سے زائد پوائنٹس کی کمی کے ساتھ انڈیکس ایک لاکھ 48 ہزار 815 پوائنٹس کی کم ترین سطح پر بند ہوا۔
واضح رہے کہ گزشتہ کاروباری ہفتے کے آخری روز سٹاک ایکسچینج میں ہنڈرڈ انڈیکس 258 پوائنٹس اضافہ کے ساتھ ایک لاکھ 49 ہزار 493 پوائنٹس کی سطح پر بند ہوا تھا۔
