کراچی: (دنیا نیوز) پاکستان سٹاک مارکیٹ میں ہنڈرڈ انڈیکس تاریخ کی بلند ترین سطح پر پہنچ گیا۔
کاروباری ہفتے کے چوتھے روز بھی کاروبار کے آغاز پر سٹاک ایکسچینج میں زبردست تیزی دیکھنے میں آئی ہے، ٹریڈنگ کے دوران پاکستان سٹاک مارکیٹ میں 1200 سے زائد پوائنٹس کے اضافے کے ساتھ ہنڈرڈ انڈیکس پہلی بار ایک لاکھ 53 ہزار 411 پوائنٹس کی بلند ترین سطح پر پہنچ گیا ہے۔
بعدازاں ٹریڈنگ کے ہنڈرڈ انڈیکس میں کمی آگئی تاہم کاروباری روز کا اختتام مثبت زون میں ہی ہوا جس کے باعث ہنڈرڈ انڈیکس 463 پوائنٹس کی کمی کیساتھ ایک لاکھ 52 ہزار 665 پوائنٹس کی سطح پر بند ہوا۔
واضح رہے کہ گزشتہ کاروباری روز کے اختتام پر ہنڈرڈ انڈیکس 1226 پوائنٹس کے اضافے کیساتھ ایک لاکھ 52 ہزار 201 پوائنٹس کی سطح پر بند ہوا تھا۔
سٹاک مارکیٹ میں آج 30 ارب 95 کروڑ 14 لاکھ 67 ہزار 138 روپے مالیت کے 40 کروڑ 72 لاکھ 66 ہزار 609 شیئرز کا لین دین ہوا۔
