کراچی: (دنیا نیوز) عالمی اور مقامی مارکیٹوں میں سونے کی قیمت میں آج بھی بہت بڑا اضافہ دیکھنے میں آیا ہے۔
بین الاقوامی بلین مارکیٹ میں آج فی اونس سونے کی قیمت میں اچانک 141 ڈالر کا بڑا اضافہ ہونے کے نتیجے میں نئی عالمی قیمت 4 ہزار 358 ڈالر کی نئی بلند ترین سطح پر پہنچ گئی۔
عالمی مارکیٹ کے اثرات مقامی سطح پر بھی دیکھنے میں آئے جہاں صرافہ بازاروں میں 24 قیراط کے حامل فی تولہ سونے کی قیمت میں 14100 روپے کا بڑا اضافہ ہوا اور نئی قیمت 4 لاکھ 56 ہزار 900 روپے فی تولہ ہوگئی۔
اسی طرح مقامی سطح پر فی 10 گرام سونے کی قیمت بھی 12 ہزار 89 روپے بڑھ کر 3 لاکھ 91 ہزار 718 روپے کی نئی بلند ترین سطح پر پہنچ گئی ہے۔
دوسری جانب فی تولہ چاندی کی قیمت 167 روپے کے اضافے سے 5 ہزار 504 روپے اور 10 گرام چاندی کی قیمت بھی 143 روپے کے اضافے سے 4 ہزار 718 روپے کی نئی بلند ترین سطح پر آگئی ہے۔
