کراچی: (دنیا نیوز) پاکستان سٹاک مارکیٹ میں ایک لاکھ 66 ہزار پوائنٹس کی حد دوبارہ بحال ہوگئی۔
کاروباری ہفتے کے پہلے روز کاروبار کے دوران سٹاک ایکسچینج میں زبردست تیزی دیکھنے میں آئی جس کے باعث 2436 پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 66 ہزار 424 پوائنٹس کی سطح پر بند ہوا۔
واضح رہے گزشتہ کاروباری ہفتے کے آخری روز کاروبار کے اختتام پر ہنڈرڈ انڈیکس 638 پوائنٹس کی کمی کیساتھ ایک لاکھ 63 ہزار 806 پوائنٹس کی سطح پر بند ہوا تھا۔
سٹاک مارکیٹ میں آج 36 ارب 45 کروڑ 36 لاکھ 15 ہزار 103 روپے مالیت کے 70 کروڑ 44 لاکھ 34 ہزار 523 شیئرز کا لین دین ہوا۔
