کراچی: (دنیا نیوز) پاکستان سٹاک مارکیٹ میں کاروبار کا مثبت رجحان رہا جس کے باعث ایک لاکھ 63 ہزار پوائنٹس کی حد بھی بحال ہوگئی۔
کاروباری ہفتے کے تیسرے روز بھی سٹاک ایکسچینج میں کاروبار کا مثبت رجحان رہا، 1496 پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 63 ہزار 188 پوائنٹس کی سطح پر بند ہوا۔
واضح رہے کہ گزشتہ کاروباری دن کے اختتام پر ہنڈرڈ انڈیکس 291 پوائنٹس کمی سے ایک لاکھ 61 ہزار 692 پوائنٹس کی حد پر بند ہوا تھا۔
سٹاک مارکیٹ میں آج 21 ارب 63 کروڑ 42 لاکھ 16 ہزار 986 روپے مالیت کے 23 کروڑ 46 لاکھ 97 ہزار 302 شیئرز کا لین دین ہوا۔
