حال ہی میں سوشل میڈیا پر ایک بچے کی فاسٹ بولنگ کی ویڈیو وائرل ہوئی اور دیکھتے ہی دیکھتے پورے سوشل میڈیا پر چھا گئی۔ اب اس بچے کی تازہ تصاویر سامنے آگئی ہیں۔ وسیم اکرم نے اپنے ٹوئٹر اکاؤنٹ پر چیچا وطنی کے ساڑھے 6 سالہ حسن کے ساتھ تربیتی سیشن کی تصاویر شئیر کی ہیں اور اس کی خدا داد صلاحیتوں کی تعریف کی ہے۔
قومی سپر سٹار فاسٹ باؤلر کا کہنا تھا کہ حسن پہلے سے ہی جانتا ہے کہ ان سوئنگ اور آؤٹ سوئنگ کرنے کے لیے گیند کو کیسے پکڑتے ہیں۔ سوئنگ کے سلطان نے یہ بھی لکھا کہ حسن کے پاس ناقابل یقین مہارت ہے اور اس کی عمر صرف ساڑھے 6 سال ہے۔
Really enjoyed myself spending quality time with Hasan, young sensation from Chichawatni . Unbelievable skills at his age remember that he is only six and a half. #brightfuture pic.twitter.com/MDqYS3NJUZ
— Wasim Akram (@wasimakramlive) March 26, 2018
وسیم اکرم نے اپنی ٹویٹ میں لکھا کہ میں جب حسن کو فرنٹ آرم کی اہمیت سمجھا رہا تھا تو وہ غور سے سن رہا تھا۔
Explaining the importance of front arm. He was all ears he already knows how to grip the ball for out swing and in swing. Unreal. pic.twitter.com/SUZ4KVcEiA
— Wasim Akram (@wasimakramlive) March 26, 2018
واضح رہے کہ سوشل میڈیا پر ویڈیو وائرل ہونے کے بعد وسیم اکرم نے بچے کی تلاش کے لیے ٹویٹ کی تھی اور کہا تھا کہ اس طرح کا ٹیلنٹ ہماری قوم کی رگوں میں دوڑ رہا ہے۔
