لاہور: (دنیا نیوز) پاکستان اور آئر لینڈ کے درمیان تاریخی ٹیسٹ میچ بارش کے باعث تاخیر کا شکار ہو گیا ہے، دونوں ٹیموں کے درمیان ابھی تک ٹاس نہ ہو سکا۔
آئرش کھلاڑیوں کو ٹیسٹ کیپ حاصل کرنے کیلئے ابھی مزید انتظار کرنا ہو گا۔ پاک آئر لینڈ تاریخی ٹیسٹ میچ میں موسم آڑے آ گیا۔ بارش اور تیز ہوا کے باعث نہ صرف میچ تاخیر کا شکار ہے بلکہ ٹاس بھی نہیں ہو سکا۔ اہم میچ سے قبل دونوں ٹیموں نے بھرپور تیاری کی ہے۔ پاکستان کی جانب سے امام الحق اور فہیم اشرف کے ڈیبیو کا امکان ہے جبکہ آئر لینڈ کی پوری ٹیم ہی اپنا ٹیسٹ ڈیبیو کرے گی۔
