لاہور: (دنیا نیوز) قومی آل راؤنڈر شعیب ملک نے آئندہ سال کے پچاس اوور ورلڈ کپ کو گیم اوور قرار دیتے ہوئے، 2020 میں صرف ٹی ٹوئنٹی کپ کھیلنے کی خواہش ظاہر کر دی۔
36 سالہ شعیب ملک کی انٹرنیشنل کرکٹ میں آل راؤنڈ کارکردگی، کہتے ہیں کہ آئندہ سال انگلینڈ میں شیڈول پچاس اوور کی گیم کا ورلڈکپ ان کے کیرئر کا اختتام ہوگا۔ ون ڈے کرکٹ کو اس بڑے ایونٹ کے بعد خیر باد کہنے کو بڑا گول قرار دیتے ہوئے ایک اور ٹارگٹ سیٹ کر لیا۔
شعیب ملک نے کہا کہ ان کی خواہش ہے کہ وہ آسٹریلیا میں دو سال بعد ہونے والا ٹی ٹوئنٹی ورلڈکپ بھی کھیلیں۔ پاکستان کی طرف سے ٹی ٹوئنٹی میں سب سے زیادہ 98 میچز کھیلنے کا اعزاز شاہد آفریدی کے پاس ہے۔ شعیب ملک نے 2020 کا ٹی ٹوئنٹی ورلڈکپ کھیل کر اس بوم بوم ریکارڈ پر بھی قبضہ جمانے کی ٹھان لی ہے۔ واضح رہے کہ شعیب ملک 2015 میں ہی طویل دورانیے کی کرکٹ کو خیرباد کہہ چکے ہیں۔
