ڈبلن (دنیا نیوز ) پاکستان اور آئر لینڈ کے درمیان ڈبلن ٹیسٹ کا آج چوتھا روز ہے، فالو آن کا شکار میزبان ٹیم بغیر وکٹ گنوائے 64 رنز سے دوسری اننگز کا آغاز کرے گی۔
تاریخی ٹیسٹ میچ میں سرفراز الیون کی پوزیشن مضبوط ہے۔ پاک آئر لینڈ ٹیسٹ میچ کا آج چوتھا روز ہے۔ تاریخی مقابلے میں پاکستان کی گرفت مضبوط ہے۔ میزبان ٹیم پہلی اننگز میں 130 پر ڈھیر ہو کر فالوآن کا شکار ہوگئی۔
آئرلینڈ کے سات بلے باز ڈبل فگر میں داخل نہ ہوسکے۔ فاسٹ باؤلر محمد عباس نے چار حریف بلے باز ٹھکانے لگائے۔ لیگ سپنر شاداب خان نے تین وکٹیں اڑائیں۔ دوسری اننگز میں آئرش ٹیم سنبھل گئی، وکٹ کھوئے بغیر چونسٹھ رنز بنالئے، پاکستان کو اب بھی مخالف ٹیم پر 116رنز کی برتری حاصل ہے۔
