کراچی: (روزنامہ دنیا) سابق قومی آل راؤنڈر شاہد خان آفریدی نے اسٹار ویسٹ انڈین بیٹسمین کرس گیل کو چھکے لگانے کا چیلنج دے دیا۔
سابق قومی آل راؤنڈر شاہد آفریدی نے اسٹار ویسٹ انڈین بیٹسمین کرس گیل کو چھکے لگانے کا چیلنج دے دیا۔ ویسٹ انڈین بیٹسمین نے بنگلہ دیش کیخلاف سیریز میں شاہد آفریدی کے زیادہ انٹرنیشنل چھکوں کا ریکارڈ برابر کرکے ٹویٹ کیا تھا کہ 476 چھکوں کے ساتھ آفریدی کی برابری زبردست بات ہے لیکن بوم بوم فکر نہ کریں کیونکہ وہ مزید چھکے نہیں لگائیں گے اوران کا ریکارڈ محفوظ ہے۔
No worries at all in the Universe Boss taking over my record! Richly deserved, hope to play a single wicket match with you one day, let s see who hits more 6s and there should be no rules for getting OUT! @henrygayle https://t.co/WxEaUhKjgY
— Shahid Afridi (@SAfridiOfficial) August 4, 2018
آفریدی کا جوابی ٹویٹر پیغام میں کہنا تھا کہ وہ ریکارڈ برابر ہونے پر پریشان نہیں کیونکہ کرس گیل اس کے مستحق ہیں۔ انہوں نے ویسٹ انڈین بیٹسمین کو چیلنج دیتے ہوئے امید ظاہر کی کہ کسی روز ان کے ساتھ سنگل وکٹ میچ ہوگا جس میں علم ہو جائے گا کہ کون زیادہ چھکے لگاتا ہے لیکن اس دوران آؤٹ ہونے کا کوئی قانون نہیں ہوگا۔
