کولمبو: (دنیا نیوز) انگلینڈ کیخلاف ٹور میچ میں کمینڈو مینڈس نے اپنی صلاحیت دکھا کر دیکھنے والوں کو حیرت میں مبتلا کردیا۔
سری لنکا کے آف سپن باؤلر کمینڈ و مینڈس بائیں اور دائیں دونوں ہاتھوں سے باؤلنگ کرنے کی صلاحیت رکھتے ہیں۔ انگلینڈ کیخلاف ٹور میچ میں انہوں نے اپنی اس صلاحیت کا اظہار کرکے دیکھنے والوں کو حیرت میں مبتلا کردیا۔ انہوں نے انگلش بلے باز آئن مورگن اور جوروٹ کو بائیں اور دائیں ہاتھ سے یکساں رفتار اور ردھم سے باؤلنگ کی تاہم انہیں آؤٹ کرنے میں کامیاب نہ ہوسکے۔ انگلش بلے بازوں نے دونوں ہاتھوں سے باؤلنگ کا سامنا کرنے کو خوشگوار واقعہ اور کمینڈو کو غیرمعمولی صلاحیتوں کا مالک قرار دیا۔
