لندن: (ویب ڈیسک) شاندار بیٹنگ تکنیک اور رنز بنا کر پاکستانی اوپنر امام الحق نے انگلینڈ کرکٹ ٹیم کے سابق کپتان ناصر حسین کا دل جیت لیا۔
غیر ملکی خبر رساں ادارے کے مطابق موجودہ مایہ ناز کمنٹیٹر ناصر حسین کا کہنا ہے کہ امام الحق پاکستانی ٹیم میں اس وجہ سے موجود نہیں ہیں کہ انضمام الحق کے رشتہ دار ہیں بلکہ اوپنر ون ڈے میں بہترین تکنیک کے ساتھ مسلسل رنز بنا رہے ہیں۔
ایک انٹرویو کے دوران ان کا کہنا تھا کہ پاکستانی ٹیم کے اوپنر امام الحق تسلسل کے ساتھ پرفارم کررہے ہیں اور پرفارم کرنے کی وجہ سے وہ ٹیم میں موجود ہیں۔
