لاہور: (ویب ڈیسک) ٹی ٹونٹی سیریز ہرانے کے بعد پاکستان نے بنگلا دیش کے خلاف ون ڈے سیریز کے پہلے میچ میں میں فاتحانہ آغاز کیا ہے۔ مہمان ٹیم کو گرین شرٹس نے 29 رنز سے پچھاڑ دیا۔
پاکستان کی طرف سے اننگز کا آغازناہیدہ خان اور سدرہ امین نے کیا، دونوں نے محتاط انداز میں بیٹنگ کرتے ہوئے سکور کو آگے بڑھایا، اس دوران چند خوبصورت شارٹس بھی گراؤنڈ کے چاروں اطراف کھیلیں۔ سدرہ امین نے 67 گیندوں پر 27 رنز کی باری کھیلی اور فہیما خاتون کی گیند پر بولڈ ہو گئیں۔
جویریہ خان کی اننگز دو رنز تک محدود رہی اور ناہیدہ اختر کی گیند پر پویلین لوٹ گئی، بسمہ معروف اور ناہیدہ خان نے سکور کو آگے بڑھایا، 70 رنز کے قریب کی پارٹنر شپ بنائی، اس پارٹنر شپ کا اختتام جہان آرام عالم نے کیا، جب بسمہ معروف 43 گیندوں پر 39 رنز بنا کر کریز چھوڑ گئیں۔
ناہیدہ خان نے 97 گیندوں پر 68 رنز کی شاندار باری کھیلی، اس باری میں انہوں نے 7 چوکے لگائے اور ناہیدہ اختر کی گیند پر رومانہ احمد کو کیچ دے بیٹھیں۔ عالیہ ریاض 37، ثناء میر 2، سدرہ نواز 10، ڈیانا بیگ 1، سعدیہ اقبال 1 اور ناشرہ سندھو نے 2 رنز بنائے۔
گرین شرٹس نے 48.5 اوورز میں 215 رنز بنائے۔ جہان آرام عالم نے تین، پانا گھوش، ناہیدہ اختر نے دو دو وکٹیں حاصل کیں، سلمیٰ خاتون ، فہمیدہ خاتون کے حصے میں ایک ایک وکٹ آئی۔
ہدف کے تعاقب میں مہمان ٹیم مرشدہ خاتون اور شرمین اختر نے کیا، 5 کے مجموعی سکور پر مرشدہ خاتون 4 رنز بنا کر پویلین لوٹ گئیں، شرمین اختر 20،سنجیدہ اسلام 0 اور فرجانہ حق 27 رنز بنا کر پویلین لوٹ گئیں۔ رومانہ احمد 28 رنز کی اننگز کھیلی سکیں۔
Match Summary!
— Pakistan Cricket (@TheRealPCB) November 2, 2019
Pakistan win the first #PAKWvBANW ODI by 29 runs.
SCORECARD ➡️ https://t.co/ZOhGmwYp6F
#BackOurGirls https://t.co/ZHl3ZfoBl1 pic.twitter.com/Rr9QfIrTYD
بنگلا دیش کی طرف سے نگار سلطانہ نے مزاحمتی اننگز کھیلی اور 77 گیندوں پر 58 رنز بنا کر سکور کو آگے بڑھایا تاہم ثناء میر کی گیند پر سدرہ امین کو کیچ دے بیٹھیں۔ دیگر بیٹسویمن قابل ذکر کارکردگی نہ دکھا سکیں۔ مہمان ٹیم 186 رنز پر ڈھیر ہو گئی۔
پاکستان کی طرف سے ثناء میر نے 3، ڈیانا بیگ، سعدیہ اقبال اور ناشرہ سندھو نے .22 شکار کیے۔ میچ میں بہترین پرفارمنس دکھانے پر ناہیدہ خاتون کو پلیئر آف دی میچ قرار پائیں۔
For her match winning 68 runs, @nahidakhan_real is the Player of the Match.#PAKWvBANW #BackOurGirls pic.twitter.com/uHhX5pfpZG
— Pakistan Cricket (@TheRealPCB) November 2, 2019
