لاہور: (دنیا نیوز) ملک میں معیاری پچز بنانے کی تیاریاں شروع کر دی گئی ہیں جس کے لیے برطانوی ماہر پاکستان پہنچ گئے۔
تفصیلات کے مطابق ملک میں کرکٹ کی بحالی کی تیاریاں جاری ہیں، جس کے بعد پاکستان کرکٹ بورڈ کی طرف سے معیاری پچز بنانے کا پلان سامنے آیا ہے اس کے لیے برطانوی ماہر کی خدمات حاصل کی گئی ہیں، برطانوی ماہر کیوریٹر اینڈی اٹکنسن پاکستان پہنچ گئے ہیں۔
برطانوی ماہر اینڈی ایکٹنسن آئی سی سی کے پیچ کنسلٹنٹ بھی ہے، غیر ملکی کیوریٹر آج صبح کراچی پہنچے۔
برطانوی کیوریٹر نے نیشنل کرکٹ سٹیڈیم میں پچز کا معائنہ کیا اور مقامی کیوریٹر سے ملاقات کی۔
ICC Pitch Consultant Andy Atkinson visited the National Stadium Karachi to assess the pitches at the venue. Andy will also supervise a workshop with the NSK groundstaff.
— Pakistan Cricket (@TheRealPCB) January 4, 2020
More https://t.co/mIfICooMiH pic.twitter.com/vGm9wf87Yu
بر طانوی کیوریٹر پاکستان سینٹرز میں پچز کا جائزہ لیکر رپورٹ پاکستان کرکٹ بورڈ (پی سی بی) کو دیں گے۔
پاکستان کرکٹ بورڈ کا کہنا ہے کہ پاکستان میں ایسی پچز تیار کی جائیں گی جس کے بعد پاکستان کو بیرون ملک بیٹنگ باؤلنگ میں مشکلات پیش نہیں آئیں گی۔
